Prishtina dhe Malisheva kanë luajtur baras në takimin e xhiros së fundit në Superligën e Kosovës në futboll.

Ndeshja u mbyll me rezultat 2-2 në ndeshjen e luajtur në “Fadil Vokrri”, shkruan Arbresh.info.

Malisheva pati epërsinë në pjesën e parë me rezultat 2-0, pas autogolit të Diar Halilit në minutën e 29-të, dhe më pastaj dy minuta më vonë Hazrollaj e dyfishoi epërsinë.

Por, Prishtina u rikthye në pjesën e dytë dhe barazoi rezultatin.

Fillimisht për kryeqytetasit realizoi në minutën e 59-të, Kadiri. Kurse njëzet minuta më vonë u barazua rezultati me anë të Sobowales barazoi rezultatin.

Me këtë barazim Malisheva e mbyll kampionatin në pozitën e tretë me 53 pikë dhe siguron kualifikimet e UEFA Conference League, kurse Prishtina është e gjashta me 48 sosh./Arbresh.info